Alls 62 af 100 aflahæstu bátunum á strandveiðum það sem af er strandveiðitímabilinu eru á svæði A, sem nær frá Snæfellsnesi austur að Húnaflóa. Þetta má sjá úr gögnum frá Fiskistofu. Góðar ufsaveiðar koma bátum á svæði D á listann en af efst 100 bátunum eru 26 af svæði D. Aðeins 7 bátar á svæði C komast á listann en 5 af svæði B.

Í reglugerð um strandveiðar segir að búið sé veiðar standi yfir í maí, júní, júlí og ágúst. Samtals hefur flotinn veitt liðlega 27 prósent þess þorskafafla sem úthlutað var til strandveiða í ár, þegar enn eru sex dagar eftir af mánuðinum. Að óbreyttu er því útlit fyrir skerta strandveiðivertíð, eins og undanfarin ár.

Samtals eru 687 bátar komnir með strandveiðileyfi en af þeim hafa 643 landað afla. Í fyrra voru bátarnir 723, þegar upp var staðið.

49% þeirra báta sem landað hafa afla eru á svæði A, 18% eru á svæði B, 11% á svæði C og 22% á svæði D.

Dögg SF frá Höfn í Hornafirði er aflahæsti báturinn þegar hingað er komið sögu. Skipið hefur landað tæpum 16 tonnum úr sjó í 9 róðrum. Þó skal tekið fram að Döggin landar að jafnaði um 71 kílóum meira af þorski en leyfilegt er, í þeim róðrum þar sem skammti hefur verið náð.

Fimm aflahæstu bátarnir

Skrnr. – Bátur – Svæði – Landanir – Heildarafli í kílóum talið