-->

Fiskur í parmasen hjúp

Ýsa í raspi er yndislegur matur sem flestir Íslendingar hafa notið frá barnæsku til æviloka. Þetta er réttur sem hefur verið óbreyttur frá upphafi. En það má breyta til og þessi aðferð er bara í meira en góðu lagi. Bara velja uppáhalds fiskinn, hjúpa hann og elda. Flóknara er það ekki.

Innihald:

800 g fiskflök svo sem þorskur, ýsa eða koli, roð- og beinlaus í hæfilegum bitum
1 egg
1 msk mjólk
1 bolli rifinn parmesan ostur
2 msk hveiti
1⁄2 tsk papríkuduft
1⁄4 tsk salt
1⁄8 tsk pipar

Aðferð:

Hrærið eggið og mjólkina saman í skál og leggið til hliðar. Takið plastpoka með „rennilás” og setjið í hann ostinn, hveitið og kryddið. Lokið pokanum og hristið vel.

Setjið fiskbitana einn og einn í pokann og hristið vel svo bitinn hjúpist vel.

Bakið fiskbitana ofnföstu móti í bakaraofni við 180 gráður í um 25 mínútur. Tíminn fer eftir því hve þykk stykkin eru

Berið frem með fersku salati að eigin vali, hrísgrjónum eða nýjum soðnum kartöflum.

 

 

 

 

Tengdar færslur

thumbnail
hover

Bakaður þorskur með sítrónukeim og hvítlauk

Nú höfum við það einfalt en auðvitað heilnæmt og gott. Þorskurinn fær að njóta sín og rétt bakaður fellur hann í stórar, hv...

thumbnail
hover

Gott að vinna við sjávarútveg

Maður vikunnar á Auðlindinni að þessu sinni er einn okkar reyndustu skipstjóra á uppsjávarveiðum, síld, loðnu, makríl og kolmunn...

thumbnail
hover

Ferjan Akranes hefur siglingar milli Þorlákshafnar...

Vöruflutningaferjan Akranes, sem er í eigu Smyril Line hefur hafið siglingar milli Íslands, Færeyja og Danmerkur. Hún kemur til viðb...