Þrír nýir starfsmenn SFS

Deila:

Þrír nýir starfsmenn hafa bæst í starfslið Samtaka fyrirtækja í sjávarútvegi nú í sumar:

Friðrik Þór Gunnarsson

Friðrik Þór Gunnarsson

Friðrik Þór Gunnarsson hagfræðingur hefur verið ráðinn til starfa hjá Samtökum fyrirtækja í sjávarútvegi. Friðrik er með BS gráðu í hagfræði frá Háskóla Íslands. Friðrik mun sinna vinnu við hagfræðilegar greiningar á rekstrarumhverfi sjávarútvegsins, ásamt ýmsu öðru, svo sem við kjaramál og lagafrumvörp. Hann hefur starfað á fjármálasviði Skeljungs og er núverandi formaður Heimdallar, félags ungra sjálfstæðismanna í Reykjavík.

Sveinn F

Sveinn Friðrik Sveinsson

Sveinn Friðrik Sveinsson hefur verið ráðinn fjármálastjóri Samtaka fyrirtækja í sjávarútvegi. Sveinn er með B.Sc. gráðu í viðskiptafræði frá Háskóla Íslands og hefur lokið löggildingu í verðbréfaviðskiptum. Sveinn Friðrik var áður fjármálastjóri hjá Bílanausti. Á árunum  2011-2014 starfaði hann sem forstöðumaður verðbréfamiðlunar hjá Virðingu. Þar áður sem verðbréfamiðlari hjá Saga fjárfestingabanka, forstöðumaður fjárstýringar hjá Straumi fjárfestingarbanka og forstöðumaður netviðskipta Íslandsbanka. Sveinn Friðrik hefur verið fjallabjörgunarmaður hjá Slysavarnarfélaginu Landsbjörgu frá árinu 2000.

Heiðmar Guðmundsson

Heiðmar Guðmundsson

Heiðmar Guðmundsson lögmaður hefur verið ráðinn til Samtaka fyrirtækja í sjávarútvegi. Verkefni hans  munu meðal annars lúta að lögfræðilegri ráðgjöf, samningagerð, vinnslu álitsgerða og umsagna, alþjóðlegu samstarfi á sviði vinnuréttarmála tengdum sjávarútvegi og aðstoð við félagsmenn. Heiðmar er með BA og ML gráðu í lögfræði frá lagadeild Háskólans í Reykjavík og réttindi sem héraðsdómslögmaður. Hann starfaði sem lögmaður hjá CATO lögmönnum frá árinu 2011. Heiðmar hefur nokkra reynslu af sjómannsstörfum, en á sínum yngri árum starfaði hann sem háseti á uppsjávarskipi og einnig á frystitogara.

Deila: