Sækja þarf sérstaklega um sérveiðileyfi

Fiskistofa vekur athygli á því að sækja þarf sérstaklega um öll sérveiðileyfi fyrir hvert fiskveiðiár. Núgildandi sérleyfi falla úr gildi þann 31. ágúst nk. Vegna komandi fiskveiðárs 2018/2019 þarf að sækja sérstaklega um eftirtalin leyfi og er það gert í Ugga, þjónustugátt Fiskistofu.

• Dragnótarveiðileyfi
• Leyfi til veiða á ígulkerum *
• Leyfi til veiða á kúfskel til manneldis *
• Leyfi til veiða á beitukóngi *
• Leyfi til veiða á kröbbum
• Leyfi til frístundaveiða (Skilyrði útgáfu leyfis er að rekstraraðili báts hafi ferðaskipulegjandaleyfi Ferðamálastofu og þeir báta sem hyggjast veiða á sjóstöng án fénýtingar aflans þufa farþegaleyfi Samgöngustofu)
• Leyfi til skarkolaveiða í Faxaflóa (takmarkað við ákveðinn hóp skipa)

* Með umsókn um stjörnumerkt leyfi skal fylgja samningur um vinnslu í landi eða jafngild yfirlýsing þegar um eigin vinnslu er að ræða.  Í báðum tilfellum þarf staðfesting frá MAST að fylgja um að viðkomandi vinnsla hafi gilt vinnsluleyfi frá MAST.

Makrílveiðileyfi

Fiskistofa vekur jafnframt athygli á að  strandveiðibátar geta nú sótt um makrílveiðileyfi vegna ársins 2018.  Makrílveiðileyfi strandveiðibáta sem sótt er um nú gilda frá 1. september nk.